SA AKING KAARAWAN

Sa karagdagang taon ng aking buhay
Dios kita'y muling pasasalamatan
Kalakasang taglay, biyayang nakamtan
Patuloy kitang papupurihan

Sa mga pangyayaring aking naranasan
Mga pagsubaybay Mo'ng laging nakalaan
'Di mo ko pinabayaan, ni hindi iniwanan
Pag-iingat sa akin lagi mong laan

Sa aking pagkadapa,kasalanang nagawa
Pagpapatawad mo tunay na dakila
Pangunguna kasi na akala ko'y tama
Kaya't ang pagkakamali dapat na itama

Di man nagtagumpay sa ibang aspeto ng buhay
Ngunit sa trabaho'y biyaya at tagumpay
Mga pangako mong aking pinagbubulay-bulay
Taos pusong pasasalamat, Dakila ka't tapat

Kaya't aking laan habang ako'y nabubuhay
Papuri at pagsamba, sa Dios aking Ama
Pagbabalik ng nararapat at tunay na maging tapat
Sa lahat ng tinatangkilik at pagpapalang nakamit

Salamat, salamat, sa lahat-lahat ng natanggap
Patuloy mong dagdagan mga taon sa aking buhay
Maging pagpapala, sa lahat ng mga biyaya
Aking hiling, karunungan, kalakasan at kasaganaan